मतदार यादी मधील त्रूटी दुर करा

                                                            -हनुमंत पाटील

            बारामती दि. 18 : - आगामी काळात होणा-या   ‍निवडणूकीच्या पार्श्वभूमीवर नविन मतदान केंद्र तसेच मतदार यादीतील सुधारणांबाबत प्रशासनामार्फत तयारीचा आढावा बैठक तहसिलदार हनुमंत पाटील यांच्या अध्यक्षतेखाली पार पडली.

            यावेळी बैठकीमध्ये  नविन मतदान केंद्र झालेल्या केंद्राचे सात फोटो अपलोड करणे, मतदार यादीत पात्र वंचित उमेदवार यांची नोंद करणे, मयत मतदारांची वगळणी करणे, कायमस्वरुपी स्थलांतरीत मतदारांच्या नोंदी तपासून वगळणी करणे, दिव्यांग मतदारांच्या नोंदी करणे. मतदार यादीत छायाचित्र नसलेल्या मतदारांचा तपशील पडताळणे, बीएलओ/ बीएलए  या दोघांनी मिळून मतदार यादीतील त्रुटी तपासणे, राजकीय पक्षांनी बीएलए  ची नेमणूक करणे, प्रत्येक भागाकरीता बीलए ची नेमणूक करणे इ.विषयांवर चर्चा करण्यात आली.

             या बैठकीस नायब तहसिलदार आर.सी.पाटील, संजय पांढरपट्टे, यादव, तसेच महसूल व इतर विभागातील अधिकारी व कर्मचारी उपस्थित होते.   

0 0 0 0 0