जिल्हा दक्षता समितीची
बैठक संपन्न
पुणे,दि. 31: जिल्हास्तरीय
सार्वजनिक वितरण व्यवस्था व दक्षता समितीची बैठक जिल्हा पुरवठा अधिकारी श्रीमती ज्योती
कदम यांच्या अध्यक्षतेखाली जिल्हा पुरवठा कार्यालयात संपन्न झाली.
सदर बैठकीत अशासकीय सदस्यांनी सार्वजनिक वितरण
व्यवस्थेबाबतच्या जनतेच्या तक्रारी मांडल्या. तसेच बचतगटाना स्वस्तधान्य दुकाने देण्यात
आली आहेत, ती दुकाने इतर व्यक्ती चालवितात अशी
तक्रार बैठकीत मांडण्यात आली. दुकानाच्या नावासह तक्रार केल्यास त्याची निश्चित
दखल घेऊन तथ्य आढळल्यास आवश्यक कारवाई करण्यात येईल असे सांगितले. त्याप्रमाणे पुरवठा
विभागाच्या वतीने वर्षात करण्यात आलेल्या कार्यवाहीची माहिती
दिली.
तसेच शासन निर्णयानुसार तूरडाळ स्वस्त धान्य दुकानात व विविध मॉलमध्ये करण्यात
आलेल्या विक्रीबाबतची माहिती बैठकीत देण्यात आली. बैठकीस उपस्थित सदस्यांनी धान्याच्या
गोडावूनला भेट देण्याबाबत मागणी केली. त्यानुसार इच्छूक सदस्यांनी भेट देवून पाहणी
करण्याबाबत सांगण्यात आले.
या बैठकीस अशासकीय सदस्य श्रीमती विजया
शिंदे, श्रीमती ज्योती गायकवाड, चेतन अगरवाल, श्रीमती पल्लवी सुरसे, निलेश जठार, अमृत शेवकरी, निहाल घोडके
आदि उपस्थित होते.
0000000
